நண்டு மிளகு ரசம் :

நண்டு மிளகு ரசம் :

பேச்சிலர் சமையல் :

தேவையான பொருள்கள்:

பெரிய நண்டு - 3
தக்காளி - 1
சின்ன வெங்காயம் - 10
மிளகுத்தூள் - 3 ஸ்பூன்
இஞ்சி - 1 துண்டு
சீரகத்தூள் - 1 ஸ்பூன்
மஞ்சள் தூள் - அரை ஸ்பூன்
எலுமிச்சை பழச்சாறு - 1 ஸ்பூன்
கிராம்பு - 1
கறிவேப்பிலை - சிறிதளவு
எண்ணெய் - தேவையான அளவு
உப்பு - தேவையான அளவு
கொத்தமல்லி தழை - சிறிதளவு

செய்முறை:

* நண்டை நன்றாக சுத்தம் செய்து கொள்ளவும்.

* தக்காளி, கொத்தமல்லி தழை, சின்ன வெங்காயத்தை நறுக்கி வைத்து கொள்ளவும்.

* இஞ்சியை விழுதாக அரைத்து கொள்ளவும்.

* மிளகை இடித்து பொடி செய்து அதனுடன் சீரகத்தூள் சேர்த்து கலந்து கொள்ளவும்.

* இஞ்சி விழுது, கலந்து வைத்த‌ மிளகு, சீரகத்தூள் அனைத்தையும் சுத்தம் செய்த நண்டு மீது தடவி தேவையான அளவு உப்பு

சேர்த்து அரை மணி நேரம் ஊற வைக்கவும்.

* வாணலியில் எண்ணெய் ஊற்றி காய்ந்ததும் கிராம்பு, கறிவேப்பிலை சேர்த்து தாளிக்கவும்.

* நறுக்கி வைத்த தக்காளி, சின்ன வெங்காயம் ஆகியவற்றை போட்டு வதக்கவும்.

* பிறகு மசாலா தடவிய நண்டை சேர்த்து நன்கு வதக்கவும். தேவையான அளவு தண்ணீர் சேர்த்து நன்றாக கொதிக்க விடவும்.

* கொதித்ததும் கொத்தமல்லி தழை, எலுமிச்சை பழச்சாறு கலந்து சூடாக பரிமாறவும்.

* சுவையான, ஆரோக்கியமான நண்டு மிளகு ரசம் தயார். இதை சூடாக பரிமாறினால் மிகவும் சுவையுட‌ன் இருக்கும். இதை ரசமாகவும் சாப்பிடலாம்.

‪#‎crabsoup‬ ‪#‎crabrasam‬ ‪#‎samayal‬